الرئيسية / أخبار محلية / التفاصيل الكاملة لواقعه مستشفي قويسنا المركزي بالمنوفيه

التفاصيل الكاملة لواقعه مستشفي قويسنا المركزي بالمنوفيه

التفاصيل الكاملة لواقعه مستشفي قويسنا المركزي بالمنوفيه

كتبة/ رباب عنان

( 5 ممرضات + 3 عاملات اتضربوا و رجليهم وايديهم اتكسرت + ممرضه اللي ف صورة كانت حامل وسقطت )

اتضربوا ع أيد ناس جايه تكشف ف الطوارئ ولما الدكاترة كانت ف العمليات نزلوا ضرب ف كل التمريض اللي هناك

والمصيبه والكارثه الاكبر ان الشخص اللي ضربهم ظابط طيار

اليكم تفاصيل الواقعه بالكامل٠٠

تفاصيل الواقعه بالكامل نقلا عن ممرضة من تمريض عمليات قويسنا العام

اللستة كانت طويلة وكنا شغالين عمليات من الساعه 4 وجالنا حالتين قيصرية طوارئ

المريضة جاية باجهاض منذر ومسات العنابر شافوها وكان وضعها مستقر ومفيش اى مشكلة وبلغو الطبيب وقال تعمل تحاليل وسونار

سمعنا صوت صويت جاى من العنابر فطلعنا لقيناهم بيضربو فى التمريض وسلكناهم والامن طلع وفضينا المشكلة ورجعنا للعمليات وهما نزلو يعملو التحاليل

الدكتور خلص عمليات وسال على المريضة كانت لسة بتعمل التحاليل فقال لما تيجى تنزل العيادة وهو مستنيها تحت

اهل المريضة رجعو سالو على الدكتور تم الرد عليهم بأنة تحت فى العيادة
قامو مسكو فى خناق التمريض للمرة التانية وسلكوهم تانى

التفاصيل الكاملة لواقعه مستشفي قويسنا المركزي بالمنوفيه

الدكتور وواحدة من التمريض بينيمو المريضة على السرير عشان يعملو سونار راحت واحدة معاها قالت متتعبوش نفسكم عشان هتموتو انهاردة

الدكتور قال يتعلق لها محاليل وادوية.

التفاصيل الكاملة لواقعه مستشفي قويسنا المركزي بالمنوفيه

فى 2 تمريض بيتكلمو مع بعض بيسألو بعض هنعملها تذكرة دخول عشان يصرفو عليها الادوية لان هى جاية بتذكرة استقبال وكدة مش هيعرفو يصرفولها العلاج

الحوار ده معجبش اهل المريضة ومسكو فى خناق التمريض تاني.

التفاصيل الكاملة لواقعه مستشفي قويسنا المركزي بالمنوفيه

اخو الظابط راح لمشرفة العنابر واداها 3 او 4 اقلام على وشها زى اللى بيسقف على وشها بايده الاتنين وقالها غورى من وشي وارجعى مطرح ما جيتي

البنات هربو يستخبو فى الطرقة الطويلة اللى شوفناها فى يمين الفيديو بس متصورتش

وهناك 3 تمريض بنات اتعجنو وده ساعه ما الست قالت محدش يحوشه هو كدة هيموت وهنا كان البيه الظابط جيه ونزل ضرب في البنات

في فيديو تانى اتصور فيه الالفاظ والمجزرة اللى كانت فى اخر الطرقة وده يفوق كل اللى شوفناه بمراحل بس اخت البيه الظابط اخدت التليفون

لما طلعت عشان نحوش فبقوله اهدى بس هفهمك راح ضاربني قلمين على وشي وجه يديني بالبوكس فراح فرد امن بيحوش قام خاد الضربة هو فى عينه وعينه اتصفت

وهنا طلبنا المركز
وطلبنا من الامن يقفل الابواب لحد ما المركز يجي عشان ناخد حقنا

فى الوقت ده اخت الظابط طلعت تليفونها وراحت عاملة النمرة اللى عملتها دى وقعدت تصوت عشان تقول ان الموضوع اهمال

اتفاجئنا ان لما المركز وصل وليد باشا هو اللي مشاهم وفتحلهم الباب وده باين فى الفيديوهات ولما سالناه قال ده ضربونى ومشيو ومقدرتش عليهم

لما الست اتسالت ان فى واحدة من التمريض كان معاها عصاية كان رد المس كالاتى

احنا كنا متفاجئين باللى حصل انضربنا بالاقلام وبالرجول وزمايلنا انضربو بالجنازير
وواحدة كانت معاهم فجأة طلعت مطوة من البنطلون
واللى كان معاه صاعق واللى خلع الحزام وضربنا بيه

واخت الظابط راحت جابت عصاية الومنتال منعرفش جابتها منين ونزلو ضرب في البنات

واحنا بتوع العمليات شايفين زمايلنا بيتكسرو فواحدة شافت مساحة راحت تهوش بيها قدام كم الاسلحة دى

وبعدين متزعلش نفسك المساحه اتاخدت منها واتكسرت عليها وقلعوها الطرحة وزنقوها فى الطرقة

بنات العنابر انضربت 3 مرات مش اللى انتو شوفتوه وبس

بعد ما طلعو من عندنا سمعنا انهم راحو شبين العام اتخانقو هناك برضه

ثم تم اتخاذ الإجرائات القانونية السريعة

خلال دقايق من نشر الفديو قامت قوات الأمن بالتحفظ علي ضابط طيار،
قام بمساعدة بعض من ذويه، بالأعتداء علي عدد من العاملين بالقطاع الطبي بمستشفي قويسنا المركزي

ما تسبب في أصابات لعدد من العاملين
بالإضافة إلي التسبب في إجهاض إحدى الممرضات.

وحررت النيابة العسكرية (بسبب عمله بالقوات المسلحه ) محضراً بالواقعة،

وبأمر مباشر وعاجل من الرئيس عبد الفتاح السيسى…

تم التحفظ على الضابط المتهم بالتعدى على ممرضه بمستشفى قويسنا العام بالمنوفية…

وحددت جلسه عاجلة بحضور الممرضة التي أجهضت وأسرتها.

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

استمرار حملات متابعة مواعيد غلق المحلات وإزالة الإشغالات بالاسكندريه

  استمرار حملات متابعة مواعيد غلق المحلات وإزالة الإشغالات بالاسكندريه حماده مبارك وجه اللواء محمد ...