الرئيسية » صحة ومرأة » صحة » الصحة ضم 321 مستشفى لتسهيل عملية الفحص والكشف عن فيروس كورونا
الصحة ضم 321 مستشفى لتسهيل عملية الفحص والكشف عن فيروس كورونا | الصحة

الصحة ضم 321 مستشفى لتسهيل عملية الفحص والكشف عن فيروس كورونا

الصحة ضم 321 مستشفى لتسهيل عملية الفحص والكشف عن فيروس كورونا

متابعة محمدعوض 

وزاره الصحه قررت ضم 321 مستشفي في جميع المحافظات لتسهيل عمليه الفحص و الكشف عن فيروس كورونا أسمع التعليمات دى عشان تطمئن وترتاح 

 لو انت كويس و فكرت تروح مستشفي لاجل انك تطمن علي نفسك ف اضمن انك بنسبه كبيره ممكن تصاب و تتعدي من المستشفي نفسها فبلاش استنصاح و استهلاك للموارد الطبيه ع الفاضى

 ممنوع دخول اي مريض او مرافق لاي مستشفي بدون ارتداء كمامه ماسك غير كدا هتدفع غرامه و مش هتدخل 

 لو حسيت بأي اعراض سخونيه أو كحه أوضيق تنفس أوكنت مخالط لاي حد ايجابي مثلا هتروح الاستقبال و يتم فحصك و هيتعملك تحليل صوره دم و اشعه على الصدر 

 لو تحليك كويس و فحصك كويس و اعراضك لا تتماشى مع كورونا – هتاخد علاج للاعراض و تروح بيتك سليم معافى 

 لو تحاليك و فحصك طلع اشتباه كورونا هيتم تقييم حالتك و يتعملك مسحه اختبار كورونا 

 لو عندك اعراض بسيطه هيتصرفلك علاج للاعراض البسيطه و تروح بيتك تنتظر نتيجه 

مسحه اختبار كورونا 

لو عندك اعراض متوسطه او شديده هتتحجز ف المستشفى لحين ظهور نتيجه مسحه اختبار كورونا 

 لو طلعت نتيجتك ايجابيه و حالتك مستقره هتتعزل ف بيتك اه ف بيتك زي ما قريتها كدا و هتاخد علاجك معاك هناك

  لو نتيجتك ايجابيه و حالتك متوسطه هتتعزل في مدينه جامعيه او نزل شباب او فندق انت و نصيبك

 لو نتيجتك ايجابيه و حالتك غير مستقره يعني عندك اعراض شديده هتتحجز في مستشفي عزل 

 بالنسبه لاهلنا في اي حته ف الجمهوريه يشوفوا المستشفيات اللي هيتم فيها الكلام دا في ملف كامل ب 321 مستشفي ف مصر كلها و تطلع محافظتك   

المستشفيات دي كلها مش هتتحول عزل لأ دي هتبقى محطه للفرز و فحص المرضى و العزل المؤقت لحين ظهور نتيجه تحليلك , يعني فيها جزء هيشتغل كدا و باقي المستشفى شغال طبيعي 

 مره تانيه بكرر احنا ف وباء يعني لو رحت مستشفي و انت مش حاسس بأي اعراض افتكر انك ممكن تتعدي بكل سهوله فبلاش استسهال و بلاش استهلاك لموارد المستشفيات و انهاك للطاقم الطبي

الصحة الصحة ضم 321 مستشفى لتسهيل عملية الفحص والكشف عن فيروس كورونا | الصحة

عن doaa mahmoud

اترك رد

x

‎قد يُعجبك أيضاً

الدكتور " احمد سعد " مدير مستشفى " ديرب نجم " يخضع للعزل المنزلي

الدكتور ” احمد سعد ” مدير مستشفى ” ديرب نجم ” يخضع للعزل المنزلي بعد إصابته بالكورونا

الدكتور ” احمد سعد ” مدير مستشفى ” ديرب نجم ” يخضع للعزل المنزلي بعد ...

WordPress Lightbox