الرئيسية / مقالات / خاص بمسيحيو مصر

خاص بمسيحيو مصر

كتب  – احمد سراج
رسالة من ضابط جيش مصري.
ومسيحيو مصر تدعو لقراءتها بعناية.
لو سمحتولي افضفض معاكم شوية .
اولا انا ضابط مصري مسلم
ثانيا انا بقالي يومين باتفرج على المنشورات والتعليقات والصراع الفكري اللي حصل بين كذا مجموعة في جروبات مختلفة
ناس شايفة ان الامن ورجاله مقصرين
ناس اصيبت في فرحتها بعيدها وحانقة ع الدنيا كلها
وناس بتدافع عن راية الاسلام وتبرر مع ان الاسلام أسمى وأعلى من دفاعهم السفيه دا
ومجموعة مش عارف اوصفها بايه مش فارق معاها الدم اللي ملئ شوراع مصر واطفال ونساء ورجال عزل اتقتلوا وهما في دار عبادتهم.
ثالثا ودا الاهم.اسمحولي اقولكم شوية حقائق :-
– انا شغال بقالي 12 سنة ضابط وعمري ما فرقت بين عساكري ان دا مسلم او مسيحي ولما بقعد اكل بيبقى جنبي ضابط مسيحي بناكل في نفس الطبق.
– انا ضابط جيش ومن بعد فتره اشتغلت شغل ضابط شرطة واشتغلت بواب ع الوزارات والسفارات ودوريات ف الطرق وحرب ضد ارهابيين ومجرمين وتجار سلاح ومخدرات
ونزلت وزعت تموين ووزعت عيش وامنت انتخابات وامنت اسئلة امتحاناتوحاجات تانية كتييير اوووي لدرجة اني ما بقتش فاكر ايه اللي عملته وانا مش ملزم بيه.
– حضراتكم انا حضرت جنازات لزمايلي اكتر ما حضرت افراحهم
– ما سألتش نفسك ليه في أي جنازة عسكرية للشهداء بنصمم ان ما حدش يشيل النعش الا الضباط زمايله او جنود الشرطة العسكرية؟؟؟
دا حضرتك عشان اوقات النعش بيبقى ما فيهوش جثمان.وكل اللي موجود كيس فيه حوال 3 او 4 كجم أشلاء??
– سهل جدا تأمن فرد زي ميسي او وزير بانك تحشد مجموعة كبيرة لتأمينه بس انتوا عارفين يعني ايه تأمن كنايس مصر كلها في نفس التوقيت؟؟؟
انتوا عارفين انا مانمتش من امتى؟؟؟
انتوا عارفين انا سايب بيتي واهلي ومودعهم من امتى؟؟؟
دا عشان اطلع تأمين لأعياد اخواتنا المسيحين وانا مسلم عشان انفذ وصية رسول الله فيهموعشان هما مصريين.
– انا وزمايلي بنحارب في سينا عشان انتوا تعيشوا وتقدروا تبنوا مصر من تاني.مصر هتتبني بجهدكم وعرقكم وفكركم.بس الفكر والنقاش الصح اللي هدفه نبقى احسن
مش الخناقة اللي شغالة بقالها يومين.????
– انا عمري ما خفت من رصاصة حتى اللي رشقت في جسمي . او خدت حياة صديق عمري اللي واقف جنبي او نهت حياة العسكري بتاعي اللي فداني بروحه??
بس صدقوني . كلامكم وتجريحكم فينا وكلامكم اننا مقصرين في حقكم . بيبقى اقوى عليا من الرصاص.
اقسم لكم بالله انا حزين من امبارح ومبيت في الشارع وباكتبلكم وانا دموعي في عيني ان بعد دا كله.
لسه في ناس مش حاسة بقيمة تضحيات كبيرة بتحصل عشان انت تعيش.وكله بيتهمنا بالتقصير وبيفجر غضبه علينا عشان التفجيرات اللي تمت.طيب سألت نفسك كام تفجير اتمنع؟؟؟
بالنسبة للضابط اللي حضن الارهابي واستشهد عشان يقلل المصيبة.انت عارف في كام واحد عمل زيه؟؟؟????
اقسم بالله اننا بنموت في اليوم الف مرة.
انا تعبت منكم وتفكيركم بجدوانا اللي باشهد ربنا عليكم وعلي كل الكلاب اللي عاملين الدين ستارة بيستخبوا وراها عشان يقولوا ويفجروا ويرهبوا البلد دي واهلها
اللهم انا نشهدك اننا استوصينا بالقبط خيرا
اللهم انا نشهدك اننا نصرنا دينك وقاتلنا الطائفة التي تبغي
اللهم انا نسألك احدى الحسنيين
اللهم انا امناك مصر فاحفظ وديعتك
اللهم اني اشكو اليك ضعف قوتي وقلة حيلتي وهواني على الناس??????
انا اسف اني طولت عليكم وعارف ان محدش هيقرأ
ومتشكر للي اهتم وقرأ. ???

عن admin

x

‎قد يُعجبك أيضاً

الاعلام رسالة وطنية غايتها الحفاظ على الوطن وتعزيز مسيرته التنموية

الاعلام رسالة وطنية غايتها الحفاظ على الوطن وتعزيز مسيرته التنموية كتب : فريد نجيب هناك ...