الرئيسية » شعر » صرخة في عربة قطار
صرخة في عربة قطار

صرخة في عربة قطار

صرخة في عربة قطار
بقلم /كريمة إبراهيم
مواطن بسيط وده هو ذنبي ،،
أموت بالبلاش ولا تسألوا .
أعافر يوماتي عشان الجنية ،،
ووسط المعافرة أحلامي تقتلوا .
أحلامي ده إيه يا ريت يا سلام ،،
ده دمي ولحمي ولا بترحموا !
ركبت القطر حتى وقلت أسافر ،،
لقيتهم ورايا يقولوا التذاكر …
ياناس مش معايا تشوفوا الجيوب ؟
بلاش أحسن يكون فيها عيوب .
على رزقي بجري عايش بالحلال ،،
ودايما يوميتي يا ريس يادوب .
أكيد انت عارف وصاحب عيال ،،
والدنيا يا اسطي غالية وعارف الظروف .
تقوموا تثوروا و تعلقوا المشانق ،،
يا تدفع يا تنزل ياتاخد بالكفوف .
والناس اللي راكبة ساكتين ليه إتكلموا
قولوا حتى ياليل مالكم شبه الكراسي .
اتعلمتوا البلاده ..الأنانيه ..البرود ،،
وكله يالا نفسي .. وده أصبح أساسي.
مافيش واحد هناك غضبان ع الكمسري،،
ولا أم فى وشه تصرخ وتقول بتعمل إيه ؟!
واحد باشا ببدله يقول أنا اللي هدفع ،،
وأنا ممتن أقوله شكرا جدا يا بيه .
طب لمولي وصاحبي فلوس التذكره ،،
ولا يعني مانساويش يا اخوانا كام جنية؟!
أقولكم.. كفاية خليكم في السكوت .
افتح الباب يا عم يمكن أفضل نموت.
دنيتكم تتكره مافيش للحق صوت.
بكره القهر عليكم مسيرة يوم يفوت .
داس القطر عليه ..وتوت توت توت.

صرخة في عربة قطار

عن admin

x

‎قد يُعجبك أيضاً

لو تجاهلتك 

لو تجاهلتك  بقلم // ثناء عوده ماذا عني لو تجاهلتك … ماذا لو تركتك … ...

WordPress Lightbox