الرئيسية / شعر / قصيدة : فارس و حصان

قصيدة : فارس و حصان

شعر : عادل عبد الرازق

———————-

لما بتتفجر حنجرة الصوت المبحوح

واتذكر صوت الفارس مجروح

تتمخض صرخة قلبي مداين

وتهز الشبابيك المقفولة

بافتح في بيبان الشارع واصرخ

أعلن على زمن الحزن العصيان

أتمرد ..

تتكسر كل الجدران

خطي فوق جرحك رغم نزيفك

ولا تقبل إسمك فوق سطر على الهامش

مهما تدور الدنيا ..

مهما يلف الكون

إصرخ واسأل ..

أنا إمتى وشيه حيرجعله اللون

إفتح صفحات مدنك

فين راحت سنوات العمر الخضرة

ليه فجري مابقاش بيعدي

يشمل كل شمول

ليه لما بقيت بتغني نشيد الفرحة

الضلمة بتصبح ألحان

أسف ..

أنا مش فارس متمرد عالقوانين

ولا باكتب إسمي فوق الجدران

أنا بس باحب احلم أحلامي

عصفورة بتفرد ضفايرها فوق شباكي

وتنادي الغصفور

ويطل النور

وتمدي ضفايرك على صدري مولاتي

وأقرب منك وافتح دفتر صورك

وأقرا في سطورك حكاياتك

تحضن حكاياتي

باتمنى انك تاخديني في نور حجرك

وانا قلبي يكتب فوق سطري

وأشوف نفسي الفارس

وأشوف نفسي على حصان

مش جامح ولا كان متمرد

ولا كان عاشق أحزان

داخل محرابك ساجد

بيصلي ويدعي

وبياخدك بالأحضان

عن admin

x

‎قد يُعجبك أيضاً

أبتسم

أبتسم

أبتسم بقلمي… سهام يوسف بعد الليل سيأتي نهار وبعد الشقاء سيأتي ثمار ومهما كانت غصة ...