مشوارنا

شعر / عادل عبد الرازق

إنكسر الحلم ف يدًنا
وهوانا ضاع ضاع مننا
كان الفراق ليكي وليًا
كان البعاد مكتوب لنا
مشوارنا كان آخره ضياع
واللي خان فينا وباع
دا هوًه واحد مننا
يانتي …
يانا
…
دايرة دواير الحاجات
والصرخة خانقها السكات
وانتي وانا والذكريات
والغيوم على حيًينا
مشوارنا كان آخره ضياع
واللي خان فينا وباع
دا هوه واحد مننا
يانتي …
يانا
…
قلبين وتاهو في الزحام
ولا كانش بينهم غير كلام
والوشوش لون الآلام
والآلام لون وشنا
مشوارنا كان آخره ضياع
واللي خان فينا وباع
دا هوه واحد مننا
يانتي …
يانا
…
ومشيتي إنتي من طريق
ومشيت انا من طريق
وقلوبنا جواها حريق
وسلامنا جرًح يدًنا
مشوارنا كان آخره ضياع
واللي خان فينا وباع
دا هوه واحد مننا
يانتي …
يانا
,,,
يا هلترا احنا اللي خونًا
ولاً اللي خان هوه زمانًا
ولا الفراق كان عشانًا
ولاً الضياع مكتوب لنا
ولاً ماعرفناش الطريق
ولاً ماحلمناش على أدًنا
مشوارنا كان آخره ضياع
واللي خان فينا وباع
دا هوه واحد مننا
يانتي …
ياانا